BUTUAN CITY – Padayon pang gisuta sa Bureau of Fire Protection-Butuan ang kinatibuk-ang damyos human gilamoy sa kalayo ang usa ka establisamiento ug mi-angin sa laing usa apan partially-burnt lang sa may San Francisco St., Brgy. Leon Kilat ning siyudad.
Sa eksklusibong pakighinabi sa Bombo Radyo Butuan, gipadayag ni Butuan CIty Fire Marshall Sr. Insp. Paul George Barrozo nga nadawat nila ang fire call pasado alas-10:05 kaganinang buntag ug nakaresponde gilayon sila paglabay sa dos-minutos kansa girespondihan sa pito ka mga fire trucks.
Nasayrang wala na makatabok pa sa kasikbit nga establisamiento ang kalayo tungod sa fire wall.
Samtang gipadayag usab ni kanhi Kapitan Tata Carabuena nga nakita niya mismo ang pag-ulbo sa kalayo dihang midalikyat siya sa pinuy-anan sa iyang higala rason nga nagdali-dali siya og tawag og taga-BFP kansa dali ra usab nga nakaresponde.
Nasaksihan pa usab niya nga ppila ka minutos pa ang milabay adiser nakagawas sa balay ang anaa sa sulod nga bahin.
Samtang gibutyag sa nagpuyo sa maong nasunugan nga si Razil Ompid nga wala pa siya masayod kung unsa’y hinungdan sa namugnang kalayo tungod kay dihang duna’y nagpiti-piti sa ilang luyo, mao na diay kadto kansa paspas usab nga milatay sa ilang kurtina luyo lang sa aparador hangtud nga midako.
Dili usab siya makasulti nga gikan kini sa ilang dirty kitchen tungod kay wala man siya magluto karong adlawa aron unta ipamaligya.
