BUTUAN CITY – Kinse ka mga tuig na ang nakalabay dihang natala ang world record sa pinakataas nga paglupad sa paper airplane pinaagi ni Takuo Toda sa Japan apan posible na kining mabungkag sa usa ka grupo sa Chinese teenagers kung ma-aprubahan na sa Guinness World record ang ilang aplikasyon.
Si Liu Liwen ug ang iyang mga ka-uban seryoso kaayo sa paghimo og paper airplanes kondiin sulod sa 60 ka adlaw, nakabungkag sila og duha ka world records.
Niadtong Pebrero 11, nagtigom sila sa Kunshan Sports Center sa Jiangsu aron sulayan pagbungkag ang rekord dala ang 10 ka paper airplane designs ug nalik-balik kining gipalupad aron makuha ang pinakataas nga oras sa paglupad.
Ang daang rekord mao ang 29.2 seconds nga gitakda ni Takuo Toda niadtong 2010. Apan nabungkag kini sa mga Chinese teens.
Si Rao Chongyi (16 anyos) nakaabot og 31.15 seconds, ug ang eroplano ni Liu Liwen milupad og 31.25 seconds.
Sa miaging tuig, misulay na sila pero 0.2 seconds ra ang kulang sa rekord. Bisan napakyas sila, wala sila niundang.
Mas kahibulong pa kay niadtong Disyembre 28, 2025, kining mao gihapong team nakabungkag usab sa record sa pinakataas nga gilay-on sa paper airplane, nga nakaabot og 98.43 metros.
