-- ADVERTISEMENT --
BUTUAN CITY – Gitaho sa Spain sa World Health Organization ang posibleng transmission sa swine flu virus variant A tali sa tawo sumala sa health authorities sa Catalonia.
Sumala sa Catalan health department, ubos ang kakuyaw nagdto sa populasyon, ug ang tawong matakdan walay sintomas sa trangkaso. Ang mga direktang kontak mopailalom sa pagsusi ug walay gitahong retransmission sa virus.
Base sa taho sa El Pais, ang pasyenteng naayu na, walay contact sa baboy o pig farms, rasong gitumbok sa mga eksperto ang human-to-human transmission.
Gipasidan-an sa taho nga delikado ang virus kung kini maka-recombine sa human flu virus ilabina kung dungan nga matakdan ang baboy sa parehong virus.
Niadtong 2023, gitaho sa Netherlands sa WHO ang usa ka human infection sa swine influenza A sa usa ka hamtong nga walay exposure sa hayop.
Ang 2009 swine flu pandemic mikaylap sa milyones na katawo tungod sa virus nga dunay genetic material gikan sa baboy, langgam ug tawo.
