BUTUAN CITY – Gi-ila sa World Health Organization (WHO) ang Denmark isip unang nasud sa European Union nga nakab-ot ang elimination of mother-to-child transmission kon EMTCT sa HIV ug syphilis.
Ang sertipikasyon nagpakita sa dugay na nga dedikasyon sa Denmark aron masiguro nga ang matag-bata matawo nga gawas sa maong impeksiyon.
Sumala ni WHO Director-General Dr. Tedros Adhanom Ghebreyesus, ang pagwagtang sa mother-to-child transmission sa HIV ug syphilis usa ka dakong kada-ugan sa pampublikong kahimsog sa panglawas alang sa Denmark.
Nagpakita kini nga pinaagi sa lig-on nga political commitment ug padayon nga pagpamuhunan sa primary care ug maternal health services, maprotektahan ang matag-mabdos ug bag-ong natawo nga bata.
Base sa assessment sa WHO Regional Validation Committee niadtong Hunyo 2025 ug Global Validation Advisory Committee niadtong Agosto 2025, nakab-ot sa Denmark ang tanang target gikan 2021 hangtod 2024, lakip ang ubos nga transmission rates ug taas nga coverage sa prenatal testing ug treatment para sa mga mabdos.
