BUTUAN CITY- Mikaylap sa social media ang istorya kalabot sa usa ka lalaki nga giingong nagpakasal sa iyang kaugalingon human sa 17 ka higayon nga napakyas sa relasyon ug ubay-ubay usab nga kapakyasan sa kaminyoon.
Sa mga naglutaw nga post online, giila ang maong lalaki nga si Antoine Cheval, ug makita nga nagsul-ob kini og half suit ug ang katunga sa lawas niini gidisguise ug gisul-oban og wedding gown, isip simbolo sa gitawag nga sologamy o self-marriage.
Giingon usab nga adunay seremonya diin daw nagbinayloay pa kini og singsing ug panaad atubangan sa iyang pamilya ug mga higala. Adunay konsepto nga gitawag og sologamy, diin ang usa ka tawo simbolikong “nagpakasal” sa iyang kaugalingon isip pagpakita sa self-love, self-acceptance ug personal nga paningkamot. Apan, kini dili balido isip kaminyoon sa kadaghanang nasud.
