-- ADVERTISEMENT --
BUTUAN CITY – Gi-anunsyo ni United States President Joe Biden nga duna’y mga bag-ong tactical air defence systems nga madawat ang Ukraine tungod sa padayong pag-atake nga gihimo sa Russia.
Sa pagpamulong ni Biden isip host sa North Atlantic Treaty Organization kon NATO 75th anniversary summit, gibutyag niini nga ka-uban sa Estados Unidos ang Germany, Netherlands, Romania ug Italy sa ilang paghatag og dugang armas sa Ukraine nga gila-umang mu-abot sunod buwan.
Gi-anunsiyo kini ni President Biden, usa ka adlaw human gitirahan og missile sa Russia ang children’s hospital sa Kyiv nga gikamatay sa ubay-ubay nga mga tawo.
