BUTUAN CITY – Gikondena ni kanhi United States Secretary of State Hillary Clinton ang pagpanguna sa Republican sa imbestigasyon sa mga kutay ngadto sa konbiktadong sex offender nga si Jeffrey Epstein, dayong akusa sa mga congressional lawmakers nga misulay pagprotekta sa usa ka political party ug usa ka public official.
Nasayrang gipa-subpoena si Clinton aron mutestigo atubangan sa panel nga gilangkuban sa mga membro sa House of Representatives,.
Adiser ang iyang pagpatim-aw, iya unang gipublisar online ang iyang opening statement online, kondiin iyang gisaway ang gitawag niyang “institutional failure” sa US government sa pagpangita sa kamatu-uran ug hustisya alang sa mga biktima ug mga survivors.
Ang iyang bana nga si kanhi US President Bill Clinton, mutestigo usab sa susamang panel ugmang adlawa kondiin ang duha, pulos mga Democrats.
Parehong gimintina sa magti-ayon nga wala sila’y kasayuran sa mga criminal activities ni Epstein ug dugay nang nang gibarugan nga nakahatag na sila sa tanang gikinahangl;ang impormasyon ngadto sa mga magbabalaud nga milangkob sa panel.
Sa iyang pamahayag, gi-akusahan ni Clinton ang mga Republicans nga migamit sa mga hearings aron i-divert ang pagbasol palayo gikan sa administrasyon ni President Donald Trump.
Iya usab nga gikwestyon kung ngaong gitugutan sa panel ang ubang gi-subpoena nga mga indibidwal pagsulat sa ilang tubag ug kung ganing gihimong closed doors ang ilang mga hearings.
Nasayrang gibaharan ang magti-ayong Clinton nga kasuhan og contempt, human nila gibalibaran ang subpoena aron unta personal nga magpakita.
