BUTUAN CITY- Girekomenda sa usa ka review panel sa Estados Unidos ang pagluag sa mga restriksyon sa pipila ka mga peptide pinaagi sa pagtugot sa mga specialized compounding pharmacies nga makahimo og upat ka klase sa BPC-157, KPV, TB-500 ug MOT-c bisan pa sa padayon nga kabalaka sa mga eksperto sa medisina bahin sa kakulang sa lig-on nga siyentipikong ebidensya ug posibleng risgo sa kahimsog.
Ang rekomendasyon, nga dili pa pinal apan kasagarang gihatagan og dakong gibug-aton sa US Food and Drug Administration kon FDA, supak sa posisyon sa mga career scientist sa ahensya nga nag-awhag sa pagpadayon sa mga limitasyon tungod sa kakulang sa human clinical trial data. Samtang gipadayag sa mga miyembro sa panel nga misupak ang ilang kabalaka sa kaluwasan ug kaepektibo sa mga peptide, ang kadaghanan mipabor niini alang sa gitawag nilang “medical freedom” ug mas sayon nga akses sa publiko.
Bisan pa niini, gipasidan-an sa mga eksperto nga ang pagluag sa mga lagda mahimong makahatag og dugang risgo sa mga konsumidor, ug gipasabot nga bisan maapil pa ang mga peptide sa compounding list, wala kini magpasabot nga aprubado na kini sa FDA.
