BUTUAN CITY- Nagpabilin nga dili klaro ang sunod nga hugna sa peace talks tali sa Estados Unidos ug Iran samtang nagkadool ang deadline sa ceasefire nga ugmang adlawa na Miyerkules.
Usa ka delegasyon sa US nga gipangulohan ni Vice President JD Vance ang gikatakdang mobiyahe sa Pakistan “sa dili madugay,” sumala sa usa ka tinubdan, apan wala pa’y klarong iskedyul. Samtang ang Iran nagpadayag nga wala kini’y plano alang sa sunod nga round sa negosasyon sa Islamabad. Usa sa mga isyu nga nagpadayon mao ang naval blockade sa US sa Strait of Hormuz, nga misamot human sa pag-atake ug pagsakmit sa barko nga kargado sa Iran niadtong Domingo.
Sa video footage, madungog ang tingog sa US forces nga nag-ingon: “Vacate your engine room, vacate your engine room, we’re prepared to subject you to disabling fire” samtang giatake ang barko.
Samtang niini, nagpabilin nga delikado ang ceasefire tali sa Israel ug Lebanon nga nagsugod niadtong Biyernes ug molungtad og napulo ka adlaw, sumala sa report ni Jon Donnison gikan sa Jerusalem.
