BUTUAN CITY – Gipasirad-an sa local nga kagamhanan ning siyudad sa Butuan kaganinang alas 2:00 sa hapon ang usa ka establishemento human kini pakyas nga nakabaton og business permit.
Base sa mission order gikan kang Butuan City Mayor Ronnie Vicente Lagnada, gimanduan niini ang Joint inspection team nga ipatuman ang cease and desist order batuk sa Multimax Industries Corporation kon URATEX nga nahimutang sa may JC Aquino Avenuem Km-3, Barangay Libertad, Butuan City.
Sa pakighinabi ning sibyahan kang Atty. Moshi Ariel Cahoy sna City Permits and Licensing Division, gipahayag niining walay permit ang nasangpit nga establishemento.
Sumala pa sa abogado gi-isyuhan og notice of violation ang nasangpit nga establishemento niadto pang Agosto 2019 ning tuiga diin gihatagan sila og panahon nga maka-comply sa rikisitos butang nga pakyas nilang natuman.
Sa kabahinan usab sa city archetict, nasutang walay nasubmite nga occupancy permit ang napasiradong dakbalay.
Apan giklaro ni Atty. Cahoy nga kuhaon lang ang gipatuman nga cease and desist order ugaling makakuha na og business permit ang kadumalahan sa maong establishemento.
Alayon niini, gihangyu sa opisyal ang tanang magnegosyo nga e-comply lang ang rikisitos sa pagkuha og business permit.
