BUTUAN CITY – Selos ang nakitang motibo sa kapulisan sa kamatayon sa mag-live-in partner sa usa ka subdivision sa may Barangay Villa Kananga, Butuan City.
Nadiskubrihan nalang nga walay kinabuhi ang mag-live-in partner nga sila Lalaine Delos Reyes ug Jerry Kho usa ka intsik, sulod mismo sa ilang kwarto.
Base sa inisyal nga pakisusi sa mga personahe sa Butuan City Police Station-1, tungod sa selos, nakahimo sa pagpusil si Kho ngadto sa babaeng biktima adiser kini nagpusil usab sa iyang kaugalingon gamit ang wala pa matino sa klase sa pistol.
Sa eksklusibong pakighinabi ning sibyahan sa manghod nga igsoon sa babaye, gibutyag niini nga sa niaging adlaw pa siya nakadungog ug buto sa armas, hinungdang gipangutana niya ang kapuyo niini ug mi-ingon lang nga sa laptap lang matud pa ang maong buto.
Apan kagahapon sa buntag, natingala na siya kay wala naman nang-gawas ang mag-live-in partner hinungdang iya nang gi-ablihan ang kwartu.
Dinhe nakita nalang nga naligo na sa dugo ang duruha ka biktima, ang babaye matud pa naghigda sa katri samtang naglingkod usab ang lalaki.
Gipahayag pa niini nga ang mga biktima dunay tulo ka mga anak.
