BUTUAN CITY-Nakahimo na og dakong kalamboan ang Surigao Component City Police Station kalabot sa insidente sa pagpangsunog sa mga construction equipment niadtong Abril 28 sa gabii sa Brgy. Danao, Surigaop City.
Sumala ni PLTCOL Atty. Mariano Lukban, hepe sa Surigao City Police Station, nga ila nang naila ang mga pangalan sa mga responsable sa maong krimen pinaagi sa pag-backtrack sa mga CCTV footage ug testimonya sa mga saksi. Sigon pa niini, bisan pa nga dili pa madisclose ang ilang mga pangalan, klaro na matud pa ang identidad sa tulo ka suspek ug gilauman nga sa sunod semana o dili pa molapas sa Biyernes, ma-file na ang kasong Destructive Arson ubos sa Revised Penal Code.
Giklaro usab sa Lukban nga walay kalabotan sa insidente ang mga walhong grupo o New People’s Army kon NPA, kondili posibleng personal nga kasuko batok sa tag-iya sa ekipo. Gibutyag usab sa hepe, nga sa kasamtangan padayon pa nga giplastar ang mga ebidensya aron mapasakahan gilayon og tukmang kaso ang mga suspek sa maong krimen.
