BUTUAN CITY- Gibutyag ni U.S. President Donald Trump nga mingsugot na matud pa ang Iran nga dili na sirad-an ang Strait of Hormuz. Kini human gi-anunsyo sa Iran ang pagbukas sa Strait alang sa mga commercial vessels subay sa ceasefire sa Lebanon.
Sumala pa ni Trump sa iyang Truth Social, nga dili na kinahanglang gamiton isip weapon ang maong agianan batok sa kalibotan. Gi-insistar usab niini nga ang kasabutan lahi sa sitwasyon sa Lebanon.
Gikalipay usab sa Amerika ang pag-uswag sa negosasyon tali sa Estados Unidos ug Iran, kansa gitawag niini nga usa ka “great and brilliant day alang sa kalibutan.”
Nagpasalamat usab si Trump sa Pakistan sa papel niini sa mediation, ug gidayeg ang mga opisyal nga mingtabang sa hisgutanan. Bisan paman, taliwa sa pagbukas pagusab sa Strait of Hormuz, sigon ni Trump nga magpabilin ang U.S. blockade sa Iran hangtud hingpit nga matapos ang kasabutan sa duha ka kampo.
Matud niini, nga magpabilin ang blockade “hangtod nga ang among transaksyon sa Iran 100% nga makompleto,” ug dayng butyag nga hapit na kini matapos tungod halos na-uyunan na sa kadaghanan ang punto sa Estados Unidos.
