BUTUAN CITY- Gilauman nga mosulod sa Philippine Area of Responsibility kon PAR ang usa ka bag-ong tropical storm nga adunay internasyonal name nga Higos unyang gabie o sa sayong bahin ugmang adlawa Biyernes ug paganganlang “Gardo” sa higayon nga makasulod kini sa PAR, sumala sa Philippine Atmospheric, Geophysical and Astronomical Services Administration kon PAGASA.
Kagahapon sa alas-10 sa gabii, nahimutang ang sentro sa bagyo mga 1,855 kilometro sa sidlakan sa Central Luzon ug adunay kusog sa hangin nga moabot sa 65 kilometro matag oras ug paghuros nga 80 kilometro matag oras. Sumala sa PAGASA, dili kini direktang makaapekto sa kahimtang sa panahon ug kadagatan sa Pilipinas tungod kay magpabilin kining layo sa kayutaan ug posible pang mohuyang ngadto sa tropical depression sa Biyernes.
Samtang, ang Typhoon Francisco padayon nga mihuyang ug gilauman nga mogawas na sa PAR unyang hapon o sa gabii. Nagpabilin ang Signal No. 1 sa Batanes samtang ang bagyo naglihok paingon sa amihanan ngadto sa mga isla sa Ryukyu ug habagatang bahin sa mainland Japan
