BUTUAN CITY – Padayon pa ang pakighisgot-hisgot sa lokal nga kagamhanan ning siyudad sa Butuan partikular sa Butuan City Trade, Industry and Investment Promotion Office alang sa gihingusgang Tricycle Modernization Program.
Kini human nga nasabtan na sa mga tricycle drivers ug operators ang maong programa base kini sa ilang gihimong assessment human ang sunod-sunod nga forum nga gihimo alang sa mga sektor sa transportasyon, commuters, propesyunal ug media.
Sa eksklusibong pakighinabi ning sibyahan, gibutyag ni Wilfredo Ybañez Jr., ang presidente sa Butuan Citywide Tricycle Transport Association, nga kuti matud pa ang pag-draft sa maong programa ilabina sa route plan.
Hinuon subay sa ilang gipa-abot nga mga yangungo, duna na matud pa’y namugna nga win-win solution sama sa pag-acquire sa yunit nga arang kamahal rason nga dili ma-apod ang mga membro.
Anaa pa ang transisyon gikan sa traditional ngfadto sa modernong modelo unya nga ilang gfamiton apil na ang pag-adjust sa ilang panginabuhian ug ruta.
