BUTUAN CITY- Giklaro ni Pastor Carmelito Miro, Associate Pastor sa UCCP Butuan City Evangelical Church Inc., nga nagsugod ang panagbangi sa simbahan sa United Church of Christ in the Philippines (UCCP) Butuan City kapin sa upat ka tuig ang milabay.
Sumala niini, nga usa sa hinungdan sa maong bangi mao ang petisyon sa obligasyon sa Butuan UCCP nga unta i-relocate ang assignment sa uban nilang pastor ug reverent, apan ang nagdala sa maong petisyon nahimong persona non-grata sa konperensya.
Gani, nangayo pa sila og tambag sa mga assigned bishops aron sulbaron ang problema, apan nahitabo na hinuon matud pa ang snap-election nga wala pa mahuman ang proseso sa council officers. Gibutyag ni Miro nga wala kini misubay sa election protocol tungod walay three sundays nga notice ug basta na lang gipahigayon ang eleksyon, hinungdan nga naguba ang relasyon sulod sa simbahan.
Dugang pa ni Pastor Miro, Associate nga walay “in-human” nga nahitabo sa panagbangi sulod sa simbahan ug adunay tukmang pahibalo nga wala lang nila gi-receive.
Sigon pa niini nga gidala pa nila ang kapitan sa Jomabon aron mopahibalo nga mobakwit ang grupo sa maong simbahan sa malinawon nga paagi, gani mingsaad kini nga mobakwit. Gibutyag usab ni Miro, nga dili sila ma-register gamit ang parehas nga address ug titulo sa yuta diin dili kini pwede sa SEC, ug ang titulo sa yuta ila nang gitago aron mapresentar sa hustong korte kung kinahanglanon.
