BUTUAN CITY- Mipasidaan si kanhi Supreme Court Associate Justice Antonio Carpio nga “mahimong suicide” alang sa Pilipinas kung dawaton niini ang kondisyon sa China sa posibleng joint oil and gas exploration sa West Philippine Sea.
Gi-insistar ni Carpio, nga kinahanglang magpabilin sa orihinal nga kasabotan niadtong administrasyong Duterte ang bisan usang panga-hisgot, kung asa ang China mosulod lang ubos sa Philippine service contract system ug ang mga proyekto kinahanglang sakop sa balaod sa Pilipinas.
Sumala niini, kon ang nasud molihok nga daw giila niini ang pagpanag-iya sa China sa lana ug gas, mura na usab matud pa nga gisurrender ang soberanya sa Pilipinas sa teritoryo.
Dugang niini, gibuksan pag-usab sa administrasyong Marcos ang usapan sa Beijing aalang sa posibleng joint exploration taliwala sa pangkalibotanong krisis sa enerhiya, lakip ang epekto sa tensyon sa Middle East.
Matud pa ni Carpio, nga dili usab dinali-ang sulosyon sa kasalukuyang energy concerns ang bisan unsang kasabtan tungod molungtad pa kini og pila ka tuig adiser mahimong operational.
