BUTUAN CITY- Nakigpolong ang mga opisyal sa Pilipinas sa Ambassador sa Iran sa Manila kagahapong adlawa Miyerkules Abril 1, 2026 isip parte sa paningkamot sa gobyerno nga masiguro ang gawasnong pag-agi sa mga oil tanker sa nasud sa Strait of Hormuz.
Gipangulohan nila Departmentment of Foreign Affairs Secretary Maria Teresa Lazaro ug Department of Energy Secretary Sharon Garin ang meeting kauban si Iranian Ambassador Yousef Esmaeilzadeh. Sumala ni Lazaro, nga tumong sa maong panagtapok nga mas mapalapdan pa ang bilateral nga agenda sa duha ka nasud.
Gihimo ang maong panaghisgot samtang nagdali-dali ang Pilipinas nga makakuha og igo nga supply sa lana adiser kini mahurot sa kataposan sa Hunyo. Gimandoan ni President Ferdinand Marcos Jr. si secretary Lazaro nga makig-koordinar sa Iran aron masiguro nga walay babag sa pag-agi sa mga oil tanker sa Strait of Hormuz nunot sa nagpadayon nga panagbangi tali sa Iran, Estados Unidos ug Israel. Usa ang Pilipinas sa grabe nga na-apektuhan sa pangkalibotanong kagubot sa Middle East.
Sumala pa ni Lazaro, nga kauban si Energy Secretary Sharon Garin gihisgutan nila ang mga importanteng oportunidad alang sa kooperasyon.
Sigon ni Lazaro, nga ang maong pakig-koordinar, mao ang padayon nga momentum gikan sa Philippine-Iran Political Consultation niadtong November 2025 ug nagpalig-on sa mga saad sa duha ka nasud nga palawman ang realsyon sa tanang natad hilabi na sa kooprasyon sa Enerhiya.
Una na usab nga gibutyag ni Palace Press Officer USec. Claire Castro, nga gimando ni President Marcos nga mohimo og high-level talks ang gobyerno sa Iran taliwala sa minggrabe nga panagbangi sa Middle East.
Gisiguro usab sa Malakanyang nga nagpabiling maayo ang relasyon sa Pilipinas ug Iran kansa gilaomang makatabang sa Diplomatic engament sa duha ka nasud.
