BUTUAN CITY – Halos usa ka milyon ka pesos ang nahakot nga ganti sa contingent sa Siargao Island nga ‘Tribu Bagtik Isla Nan Siargao’ human nahimong grand champion sa 35th Bonok-Bonok Marajaw Karajaw Festival 2019 sa Surigao City.
Kini subay na sa pagsa-ulog sa kapistahan sa ilang kagahapon nga si Senior San Nicolas de Tolentino kondiin highlight sa maong kasa-ulugan ang street dancing competition.
Gawas sa ilang pagkampyon kondiin ilang nakuha ang ganting tunga sa milyon ka pesos, ang ila usab nga maanyag nga rayna ang napiling 2019 Bonok-Bonok Marajaw Karajaw Festival Queen.
Samtang apil sa ilang nahakot nga mga major ug minor awards ang Best in Street Dancing nga duna’y ganting sien-mil pesos; Best in Choreography nga duna’y ganting 10-mil pesos; Best in Costume nga duna’y ganting 40-mil pesos; Best in Contingent I.D. samtang ikatulo sila sa Best in Musicality.
