BUTUAN CITY – Gi-angkon usab sa usa sa mga marines nga nasayud silang kwarta ang sulod sa maleta apan wala matud pa sila masayud nga gikan kini sa daotan.
Nahibal-an na lang matud pa nila nga gikan kini sa daotan sa dihang miulbo ang isyu sa flood control og didto mibati sila og grabe ka kasakit. Tungod kay kung sa pagsugod lang matud pa nasayud na sila, seguradong dili sila musunod niini.
Hangyu niini sa tanan nga sila masabtan diin tumong nila karun nga mahunong na ang dakong korapsiyon sa nasud Pilipinas.
Gi-kumpara usab niini ang pagdumala ni Kanhe Pangulong Rodrigo Duterte sa kasamtangang administrasyon ni Pangulong Ferdinand Marcos Jr.
Sumala pa niini nga kaniadto sa panahon ni Pangulong Duterte, luwas nga makalakaw-lakaw ang mga anak sa panahon sa kagabhion apan sa karun bisan mga bata matud pa gipang-rape og gipatay sa mga adik sa ilegal nga drogas.
