BUTUAN CITY – Gikumpirma sa nagpailang si Ka Sandara Sidlakan, tigpamaba sa Guerilla Front Committee 21 sa New People’s Army kon NPA nga 4 ka mga tag-as nga kalibre sa armas og mga backpack nga gipanag-iyahan sa rebelde ang nakuha sa kasundaluhan human sa engkwentro sa nakalabay nga mga adlaw sa bukirang parte sa Barangay San Antonio, lungsod sa Remedios T. Romualdez kon RTR, Agusan Del Norte.
Gidugang pa ni Ka Sandara nga lakip sa nakuha sa mga kasundaluhan ang suplay sa walhong grupo sama sa bugas.
Sumala pa niini nga mipahulay niadtong higayon ang mga rebelde sa dihang gi-harass sila sa kasundaluhan hinungdang nabilin ang nasangpit nga mga gamit apan wala matud pay nakalas nga kinabuhi sa ilang kaubanan.
Gikumpirma usab niini nga adiser pa ang maong hitabo, sunod-sunod na nga mga engkwentro ang natala sa kasikbit nga mga lugar.
Sa laing bahin, gipahayag usab ni Ka Sandara nga duna silay nakuhang impormasyon sa pagka-missing sa usa ka maguuma nga si Saldo Abundo nga taga Purok-5, Barangay San Antonio, lungsod sa RTR
