BUTUAN CITY – Napriso ang golf legend nga si Tiger Woods human siya maaresto tungod sa gidudahang nagmaneho samtang naka-inom og makahubog nga ilimnon.
Sumala ni Martin County Sheriff nga si John Budensiek, gimaneho ni Woods ang iyang Range Rover sa Jupiter Island, Florida ug milikay sa usa ka trak.
Tungod sa insidente, natumba ang sakyanan ni Woods.
Sa pag-abot sa kapulisan, ilang namatikdan ang pipila ka timailhan nga siya posible nga nakainom.
Nakig-kooperar man si Woods sa imbestigasyon, apan mibalibad siya sa pagpa-ilalom sa urine test aron mahibal-an kung nakainom ba siya.
Wala usab nakit-an sa breathalyzer test nga siya nakainom og alkohol, apan nagpadayon gihapon siya sa pagdumili sa urine test.
Kung mapamatud-an nga nagmaneho siya samtang nakainom, mahimo siyang atubangon ang mga kaso sama sa driving under the influence, property damage, ug refusal to submit lawful test.
