BUTUAN CITY- Duha ka piloto patay uman nabangga ang usa ka Air Canada Express nga eroplano sa usa ka fire truck sa runway sa LaGuardia Airport sa New York niadtong Marso 22, 2026.
Ang insidente nahitabo samtang minglapag ang Flight AC8646 gikan sa Montreal, nga gipadagan sa Jazz Aviation, sa may alas-11:40 sa gabii. Sakay sa eroplano ang 72 ka pasahero ug upat ka crew kana ang tanan naluwas, bisan paman ang uban naka-angkon og minor injuries.
Gisirado gilayon ang airport ug nagpagawas og ground stop ang Federal Aviation Administration (FAA), nga mingresulta sa pagkansela o pag-divert sa kapin 500 ka flights padulong sa JFK ug Newark airports.
Samtang gi-imbistigahan na usab sa FAA ug National Transportation Safety Board (NTSB) kung nganong adunay fire truck sa runway sa oras sa paglapag.
Ang trahedya nakapahimo og kalangay sa liboan ka pasahero ug gi-ila nga usa ka dako nga insidente sa LaGuardia sa mga ming-aging tuig. Padayon ang imbestigasyon aron masuta kung operational error, miscommunication, o uban pang hinungdan sa banggaan.
