BUTUAN CITY – Lauman ang tag-as nga billing sa kuryente karung hilabihan kataas na ang presyo sa produktong petrolyo.
Gipasabot ni Irene Yee, tigpamaba sa Agusan del Norte Electric Cooperative kon ANECO, mogamit gihapon sa produktong petrolyo ang mga planta rasong ihapak nila kini sa presyo sa ilang kuryente.
Gawas pa kini sa pag-transport niini dinhi sa nasud nga mogamit usab og gasolina rasong mopatong na usab kini sa presyo diha sa mga kooperatiba samtang ang electric cooperative, magpataas usab og rata ngadto sa kunsumador nga maoy katapusang magsagobang sa epekto sa taas nga presyo sa produktong petrolyo.
Tungod niini, gibutyag ni Yee nga walay laing mahimo ang atong mga kunsumador kundi ang pagdaginot sa paggamit ug kuryente.
Giklaro sa opisyal nga ning panahon sa ting-init sagad usab mosaka ang makunsumo nga kuryente rasong misugyot nalang kini nga kung mogamit og aircon, dili lang pabuntagan.
Sumala pa ni Yee nga nakalatid sa ilang Informatiom education campaign lakip na diha sa ilang facebook account ang mga tips aron makadaginot sa paggamit sa kuryente og makalikay sa sunog.
