Surigaonon nga si 2nd Lt Ken Bertrand Josol Castillo, top 7 sa Officer Candidate Course kon OCC Class 61

BUTUAN CITY – Mapasegarbuhong gipahibalo ni Sgt. Jenefe Lagapa, area coordinator-Caraga sa Army Recruitment Office Mindanao nga usa ka Caraganon ang nag-top-7 sa Officer Candidate Course kon OCC Class 61 nga bag-ohay lang nakatapos sa ilang training.

Kini mao si 2nd Lt Ken Bertrand Josol Castillo nga taga Barangay Poblacion, Carmen, Surigao del Sur. og alumnus sa Caraga State University sa kursong Bachelor’s degree in Agricultural Technology.

Si 2nd Lt Ken Bertrand Josol Castillo usab ang top performing male Officer Candidate sa Physical Education human nakuha ang grado nga 98.83%.

Sumala ni Sgt. Jenefe Lagapa nga ang nakuhang award ni Castillo gibansagan usab nga Tarzan award nga boot pasabot siya ang pinaka-kusgan sa ilang klase.