BUTUAN CITY – Buksan karong bulana sa Cebu City ang pinaka-unang Super Family Health Center sa Central Visayas human kini gi-inspeksyon kagahapon ni acting Mayor Raymund Alvin Garcia human nasayrang duha ka tuig na diay ang nakalabay human natapos na sa contractor ang pagpatukod niini.
Gibutyag ni Garcia nga mu-abot sa 14.9-milyunes pisos ang gitaganang pundo niini sa Department of Health kansa niadto pang Abril ning tuiga na-turnover ngadto sa lokal nga kagamhanan. Wala pa kini nag-operate tungod kay wala pa’y occupancy permit hinungdan nga gimanduan sa mayor ang Office of the Building Officials nga dalion ang pagproseso niini.
Dugang pa sa opisyal, kung nagamit lang kini ning mi-aging tuig, nakuha-kuhaan unta ang mga pasyenteng gidala sa mga public ug private hospitals.
Nasayrang apil sa makabenepisyo niini ang mga residente sa kasikbit nga mga lungsod ug siyudad.
