BUTUAN CITY- Gipahimangnoan ni 1-Sambayan convenor, Atty. Howard Calleja, si Sen. Robinhood Padilla nga magreview nga mag review og balaod ug mga kaso, isip pagrespito sa kasamtangang posisyon niini isip magbabalado.
Gihimo sa abogado ang pamahayag subay sa apela sa senador sa Senate impeachment court nga tugotang mag-obserba sila Sen. Rodante Marcoleta ug Sen. Jinggoy sa impeachment trial.
Ang duha ka senador kasamtangang nag-atobang sa kasong plunder kung asa nakaditinee sa Payatas si Estrada samtang anaa sa Philippine National Police kon PNP Gen. Hospital usab si Marcoleta.
Sumala ni Calleja, kinahangkang tun-an una sa senador ang gitakda nga balaod ug dili lang magsugyot og unsa mang posisyon o maghatag og mga ‘populist’ recommendation. Dali ra matud pang magrekomenda apan kinahanglan usab sabton ni Padilla nga ang duha ka senador parehong suspendido tungod sa gi-atubang nga plunder cases.
Dili matud pa tugotan nga makilakip ang mga suspended senator sa proceedings o tugotang mag-obserba ug magpadayag sa ilang observation sa kasamtangang trial.
Kanhi na usab matud pang wala gitugotan nga makatambong sa proceedings ang mga suspended senator sama sa panahong napriso sila kanhi Sen. Leila De Lima, Antonio Trillanes, Jinggoy Estrada, Juan Ponce Enrile, ug uban pa, hinungdan nga dili kinahanglang utrohon ang panuntunan o batas aron lang i-accommodate sila Estrada ug Marcoleta.
Pag-insistar sa batikang abogado, kinahanglang walay exemption, kinsa man ang naka-ingkod o suspendidong senador.
