BUTUAN CITY- Gi-anunsyo sa Foreign Minister sa Iran nga ang Strait of Hormuz “completely open” na sa commercial ships isip timaan sa ceasefire. Samtang nagpasalamat usab gilayon si US President Donald Trump ngadto sa iyang Truth Social post dungan sa pag-ubos usab dayon sa presyo sa lana human sa maong anunsyo.
Ang maong pamahayag nagtupong sa miting nga gipangulohan sa United Kingdom ug France uban sa daghang nasud aron hisgutan ang kagawasan sa paglayag sa maong estratehikong agianan sa dagat. Nagsugod usab ang 10-ka adlaw nga truce tali sa Israel ug Lebanon nga gisugat sa mga fireworks sa Beirut.
Gani, sulod sa unom ka simana nga gubat, labaw na sa 2,000 ka tawo ang namatay sa Lebanon ug usa sa lima ka tawo ang napalayas, samtang ang Israel mingtaho og duha ka sibilyan ug 13 ka sundalo nga napatay. Bisan pa sa ceasefire, nagpabilin ang Israel nga magtukod og 10-kilometro nga “security zone” sa habagatang Lebanon, kansa nagbilin sa mga residente lakip ang usa ka senior citizen nga lalaki nga dili makasulod sa iyang panimalay duol sa barikada.
