BUTUAN CITY- Midaog ang Spain batuk sa France sa semifinal round sa 2026 FIFA World Cup sa score nga 2-0 sa ilang dula nga gipahigayon sa Dallas Stadium, sa Arlington, Texas.
Unang naka-iskor si Mikel Oyarzabal sa ika-22 minutos sa dula pinaagi sa penalty kick nga gisundan ni Pedro Porro sa ika-58 minutos pinaagi sa iyang right-footed strike.
Kini nga kadaogan naghatag kanila ug 37-game unbeaten streak, susama sa Italy nga record. Wala naka-score ang france bisan pa sa presensya nila Kylian Mbappe, Dembele, ug Olise kondiin si Mbappe nakadawat pa ug yellow card sa ika-85 minuto sa dula.
Tungod niini, ang Spain nakasulod sa finals kondiin ilang maka-agbat ang mudaog tali sa England ug Argentina ug himuon ang away sa Hulyo 19 sa East Rutherford, New Jersey samtang ang France sulod na sa third-place match nga himuon sa Hulyo 18 sa Miami, Florida.
