BUTUAN CITY – Nagmalampuson ang gipahigayong State of the Province Address kon SOPA ni Agusan del Norte Governor Ma. Angelica Rosedell Amante nga gipahigayon kagahapon alas tres ang takna sa hapon sa may Provincial Covered Court sa Provincial Capitol ning siyudad sa Butuan.
Kini alayon na sa ika 56 nga Araw ng Agusan Del Norte, diin usa-usang giyagyag sa gobernadora ang mga accomplishments nga iyang nahimo alang sa mga Agusanons sulod sa unang tuig sa iyang pagpangatungdanan isip lideres sa maong Probinsya, lakip sa gilatid niini ang mga planong gusto niyang ipatuman sa umalabot pang mga katuigan.
Unang gipaabot sa gobernadora ngadto sa katawhan ang tumong niini sa iyahang pagpangulo sa probinsya, diin gihatagan niiini ug gimbug-aton ang pagpagawas ug mga success stories sa mga bulnerableng sektor sa Agusan del norte, gipasundayag usab niini ang special education fund sa alang sa probinysa nga nagkantidad ug 7.5 million pesos.
Gihatagan usab sa gobernadora ug gimbug-aton ang mga proyekto niini sa Environmental Management and Disaster Risk Reseliency, Advance Social Services sa mga kalungsuran, lakip na usab ang siento porsyento nga Measles-Rebulla and Polio Vaccine Supplemental Immunization Activity kon ang MR-OPV SIA ug uban pa niining mga napamatud-ang proyekto. Sa katapusan, gipaabot usab sa Gobernadora ang iyahang pasalamat ngadto sa mga nagkadaiyang ahensya sa probinsya ingon man sa mga katawhan niini
