BUTUAN CITY – Malampusong nababagan ang pagpalusot unta og ilegal nga druga sa usa ka babaye sulod sa Bureau of Jail, Management and Penology sa Purok-3A, Brgy. Libertad, Butuan City kagahapon sa alas 2:44 sa hapon.
Kini human nasapon si Mary Grace Abad Sendico, 52-anyos, dalaga, walay trabaho og residente sa Barangay Sikatuna ning siyudad nga nagsuksok og giputos sa cellophane nga suspected shabu, duha ka foil strip ug lighter, diha sa iyang kinatawo.
Sa inisyal nga imbestigasyon nasuta nga ang suspek mibisita sa piniriso nga si Jalter Cabahug og gisusi sa Butuan City Jail-Male Dorm female searcher nga si JO1 Bebs Silva kinsa maoy nakadiskukbre sa nakuhang mga butang diahng misiwil ang gamay nga gilukot nga plastic bag diha sa iyang kinatawo human kini gipatuwad.
Mi-abot sa gibana-banang usa ka gramo ang nakumpiskang ilegal nga druga nga mikantidad og 6-mil 800 pisos.
Ipa-ilalom sa laboratory examination ang nakuhang suspected illegal drugs samtang i-drug test usab ang suspetsado sa Regional Forensic Unit 13.
Sa karun gi-andam na ang kasong may kalapasan sa Section 11 og 12 sa RA9165 anga ipasaka batuk sa suspetsado.
