BUTUAN CITY- Mala-umon ang Senado nga mapadali ang impeachment trial ni Vice President Sara Duterte aron dili malangay ang paghisgot sa 2027 national budget, prayoridad nga mga balaodnon, ug ubang imbestigasyon nga giatiman sa institusyon.
Gi-awhag usab ni Senate President Sherwin Gatchalian, ang prosecution ug defense panels nga paminusan ang gidaghanon sa mga hearing ug mga testigo nga adunay managsamang testimonya aron mas mapaspasan ang proseso sa pagtaral.
Gipasabot usab niini nga sa pagbukas sa impeachment trial karong adlawa Lunes, tutokan una ang opening statements sa duha ka kampo ug ang pagresolba sa mga isyu nga nabilin sa pre-trial conference, samtang gilauman nga sa Martes pa magsugod ang aktuwal nga presentasyon sa mga testigo ug ebidensya.
Nagkasabot usab ang duha ka kampo nga mahimong gamiton ang Filipino, English, ug Taglish sa mga pagdungog aron mas masabtan sa publiko ang dagan sa impeachment trial.
