BUTUAN CITY – Naghimo og floral offering kagahapon sa hapon alang sa mga nakalas nga kinabuhi sa trahedya sa LCT Cebu Great Ocean barge ang Philippine Coast Guard Surigao del Norte, ug PNP Maritime Group dungan sa pagtapos na sa search, rescue and retrieval operations alang sa pito ka mga missing pa nga crews niini.
Nanguna sa pag-ampo ang representante sa shipping company nga mi-asister ug mihatag og hinabang ngadto sa unom ka mga pamilya nga nagbangutan ug sa pito pa ka mga missing. Mitambong usab sila PCG-SDN Commander Elaine Pangilinan, PNP Maritime Group Police Lieutenant Robert Surilla ug Fr. John Dua, SVD nga maoy naghalad og misa adiser ang floral offering.
Samtang, gipalutaw na ang LCT Cebu Great Ocean human kini nagdagsa sa baybayon sa Malimono Surigao del Norte tungod sa daot nga panahon. Gihulat na lang usab ang clearance sa MARINA aron kini guyoron og tugboat paingon sa Cebu City.
Madumdumang sakay sa maong barge ang 20 ka mga tripulante diin pito ang survivor,s pito pa usab ang missing ug unom ang nakalas.
Giklaro usab ni Philippine Coast Guard -Surigao del Norte Commander Elaine Pangilinan nga dili lakip sa missing crew sa LCT Cebu Great Ocean ang patayng lawas nga nakit-ang naglutaw-lutaw didto sa barangay Asucion , Macrohon Southern Leyte.
