BUTUAN CITY -Gi-isyuhan og citation ticket sa Land Transportation Office kon LTO-Butuan ang sakyanan sa City Transportation, Traffic and Management Department kon CTTMD-Butuan kagahapong adlawa dihang paggawas gikan sa ilang buhatani. Sumala ni CTTMD head Ma. Kristina Cassion, natiketan ang ilang sakyanan tungod sa paglapas sa ginabawal nga modified accessory, kansa hugtanong gilimod sa opisyal.
Sigon niini, gisunod nila ang protest mechanism sa LTO, tungod kay dili matud pa tinuod nga ning-agi og modification ang ilang sakyanan, ug makapamatuod niini ang certification gikan sa kompanya sa maong sakyanan kansa nagpamatuod nga old stock ang maong unit ug wala ning-agi og modification.
Dugang ni Cassion, nagsugod matud pa ang pagpanakop ang taga-Land Transportation Office Butuan ngadto sa ilang mga sakyanan sukad niadtong giklaman sa iyang mga personahe ang sakyanan sa anak sa regional director sa maong buhatan.
Hinuon aminado ang opisyal nga duna usay sayop ang ilang driver tungod sa pagdumili niini paghatag sa iyang lisensya.
