BUTUAN CITY – Angayang bantayan sa mga senior citizens ang sakit nga lumbar spinal stenosis kon pagka-ipit sa spinal cord tungod kay kini matud pa ang hinungdan nga mabalda na unya ang ilang normal nga paglakaw.
Sa eksklusibong pakighinabi sa Bombo Radyo Butuan, gipasabot ni Dr. Jesronne Abrea, orthopedic and spine surgeon sa Allied Care Expert kon ACE Medical Center Butuan, ang spinal cord, sama matud pa sa tunnel nga kadugayan, pag-abot sa katu-igan, ilabina pag-abot sa edad nga 50 o kaha 60-anyos, mu-agi na kini sa degenerative processes sama pananglitan sa pagkapitlok niini ilabina kadtong na-expose sa pag-alsa sa mga bug-at nga butang sulod sa pipila ka katu-igan.
Gipasabot ni Dr. Abrea nga kung malu-ag na ang spinal cord canal, dinhi na mubako kon muyukog ang usa ka tawo tungod kay kung itul-id matud pa ang ilang lawas, mukonektar man sa usa o kaha duha ka tiil ang kabinhod nga sama sa nakuryentihan kansa dili matud pa ma-tolerate.
