BUTUAN CITY – Gibulgar ni Host Ryan Bang nga single siya sukad niadtong Enero human sa pagpaningkamot nga masalbar ang relasyon niya sa kanhe fiancee nga si Paola Huyong.
Giangkon niini ang mahitungod sa ilang panagbulag ngadto sa iyang kaubang host nga si Vice Ganda kagahapong adlawa.
Nabulgar kini sa dihang gipangutana ni Vice Ganda si Ryan Bang sa kahimtang sa iyang kasingkasing.
Si Ryan ug Paola dugay nang nag-uban sukad sa pag-angkon sa ilang relasyon sa publiko niadtong 2003 ug nagpahibalo sa ilang engagement niadtong Hunyo 2024.
Niadtong Disyembre sa miaging tuig, gibutyag ni Ryan nga naningkamot pa gihapon siya nga “ayuhon” ang iyang relasyon kang Paola.
Sumala ni Ryan nga wala niya damha ang panagbulag dayung angkon sa iyang mga kakuwang sa ilang relasyon apan iyang gipasabot nga naningkamot siya nga makabawi. Gipanghimakak usab niini ang isyu sa pagpangabit nga gitoohan sa uban nga maoy hinungdan sa ilang panagbulag.
Hinoon mapasalamaton kini sa ilang duha ka pamilya, ilabi na sa mga ginikanan ni Paola nga iyang gihulagway nga hilabihan kabootan nga tinguhang maayu ang ilang relasyon.
Apan, ang relasyon natapos matud pa tungod sa ilang managlahing kultura diin gihatagan siya og timaan o sign nga moundang na, hinungdan nga naghimo siya og lisod nga desisyon nga buhian na kini.
