BUTUAN CITY- Dili na madayon ang gihulatang rematch ni Pinoy boxing champion Manny Pacquiao kang Floyd Mayweather.
Gikumpirma kini sa kampo sa Pambansang Kamao kung asa wala pay kasiguraduhan kung kanusa kini mapadayon.
Kini ang nahimong pamahayag human sa pagkansela usab sa gikatakdang exhibition boxing match ni Mayweather sa Greece.
Pipila sa gibutang nga hinungdan sa kampo ni Pacquiao mao ang pipila ka federal lawsuits, scheduling overlooks ug problema sa pinansyal.
Tungod nagpasaka matud pa og kaso ang events company nga CSI bato kang Mayweather niadtong miaging simana kansa tumong nilang mabawai ang anaa sa $4.65-milyon nga gibayad sa mga boksingero alang sa exclusive rights nga ipromote ang Pacquiao rematch ingon man ang exhibition bout batok kang kanhi heavyweight champion Mike Tyson.
Kahinumduman niadtong 2015 dihang mag-atbang si Pacquiao ug Mayweather kung asa nakakuha kini og kapin 4.6 milyon pay-per-view buys.
