BUTUAN CITY – Giimbitahan sa committee hearing sa SP Committee Hearing on Good Government, Ethics, Human Rights, Laws, Rules, and Styles, ang kapitan sa Barangay JP Rizal ning dakbayan, nga si Kapitan Keifer Moran human nadawat sa Sanguniang Panglungsod anfg anonymous letter kansa nag alegar nga sirado matud pa ang Barangay Hall matag udto nga modangat ang wala na nagpailang sender, sa nahisgutang barangay.
Sigon ni Butuan City Counselor Cromwell Nortega, ang head sa nasangpit nga komitiba nga seryoso ang maong alegasyon tungod kay sumala sa Department of Interior and Local Government Unit, sa pagpanguna ni DILG Butuan City Director Charissa Guerta, kkinahanglan matud pa ang pag revisit sa Internal Rules and Procedure (IRP) sa DILG isip aksyon sa maong sumbong kansa nagkanayon nga kalapasan matud pa sa ‘No Noon Break Policy’ ang pagpanira sa maong buhatan, kansa bayolasyon usab matud pa sa balaod nga nalakalit sa Anti-Red Tape Authority (ARTA) kon ang Ease of Doing Business and Efficient Government Service Delivery Law.
Subay ni Konsehal Cromwell Nortega, nalipay usab sila sa kamapainubsanon ni Kapitan Moran kansa nangayo gayud og kapasayloan sa maong alegasyon, taliwala pa man nga gipanghimakak niini ang nasangpit nga sumbong, tungod kay sigon niini, anaa na daw sila sa Barangay Hall maniudto uban sa iyahang mga empleyado.
Sa kasamtangan, lauman usab ang pamahayag ni Barangay JP Rizal Kapitan Keifer Moran alang sa katin-awan sa maong isyu.
Panawagan usab ni Konsehal Cromwell Nortega sa mga kabarangayan nga sundon gayud ang “no noon break” nga balaod, sa ingon nga wala nay sama niini nga mga reklamo ang moabot pa sa bisan asa nga ahensya. Ingon man, gikataho usab niini nga mamahimo gayud nga makapadangat sa ilahang mga sulat-yangongo ang si bisan kinsa ngadto sa buhatan sa Sanguniang Panglungsod arun mapatubag ang angayang patubagon sa balaod.
