BUTUAN CITY – Hilabihan ang pagpasalamat sa usa ka batan-ong lalaki nga miyembro sa New People’s Army sa Bombo Radyo Butuan human kini natabangan aron hingpit nga makasurender.
Mahinumdumang niadto pang Biyernes sa gabii naka-abot dinhe sa sibyahan si alyas Tata, 18-anyos, apan wala gelayon kini siya misulti sa iyang tuyo.
Hangtu nalang kagabii diin mitug-an kini sa usa sa mga staff sa Bombo radyo mahitungod sa iyang kagustuhan nga mosurender.
Gelayon usab nga gikutay ang linya sa kanhe rebelde apan karun nama-ba na dapig sa gobyerno nga si Julieto Canoy alyas Ka Boom og nagka-estorya sila sa maong batan-on.
Gihatud ang maong batan-on sa may Camp Bancasi ning siyudad sa Butuan samtang personal usab kini nga gihimamat ni Ka Boom diin mihangyu kaniya ang batan-on nga dili siya pasagdan.
Sa pakighinabi ning sibyahan kang Ka Boom, gibutyag niini nga ang maog rebelde nag-uban-uban na sa kalihukan sa edad nga 12-anyos og gipahawid kini og armas pag-edad niini ug 16-anyos diin naka-agbat kini og giyera ug nasamdan.
Tungod niadto, nibati ug kakuyaw na ang batan-on og gusto nang mosurender.
