BUTUAN CITY – Padayon pa ang imbestigasyon sa kapulisan sa Butuan City Police Station 5 aron masayran kung wala ba’y foul play ang pagkamatay ni Police Corporal Jaymark Caturan, minyo, residente sa Gingoog City ug team leader sa Revitalized Pulis sa Barangay kon RPSB sa Brgy. Dulag ilawom sa Butuan City Mobile Force Company.
Sa eksklusibong pakighinabi sa Bombo Radyo Butuan, gipadayag ni Butuan City Police Office spokesperson PCaptain Anne Cubio nga ila pang gisuta kung nagpusil ba sa iyang kaugalingon ang biktima o ba kaha aksidente lang ang maong hitabo.
Migawas sa ilang inisyal nga imbestigasyon nga malipayong tawo matud pa si Caturan gani nakig-jam pa kini sa iyang mga ka-uban kaganinang buntag human sa pamahaw.
Wala na matud pa kini mi-apil sa ilang activity tungod kay misulod na kini sa lawak ug nang-lock hangtud nga nadunggan na lang nila nga milanog ang usa ka buto sa armas ug nakitang wala nay kinabuhi ang biktima.
