BUTUAN CITY – Malampusong nadakpan sa kapulisan sa Cabadbaran City, Agusan del Norte ning mi-aging adlaw ang usa ka 31-anyos nga public school teacher, tungod sa mga kasong pagbinastos nga iyang gi-atubang.
Ang suspetsadong si alyas Sheldon, ug residente sa Barangay Calibunan, sa maong siyudad, giklasipikar isip Regional Top 10, Provincial Top 5, ug City Top 1 Most Wanted Person.
Aduna siyay 10 ka warrant of arrests nga gi-isyu sa Regional Trial Court Branch 34 sa Cabadbaran City, may kalabotan sa daghang kaso sa sexual abuse, rape by sexual assault, acts of lasciviousness, ug uban pa.
Ang kinatibuk-ang piyansa sa tanang kaso mokabat og ₱3.392 milyon.
Gikustodiya na siya karon sa Cabadbaran City Police Station alang sa hustong disposisyon, samtang ang mga warrants ibalik sa korte nga nag-isyu niini.
