BUTUAN CITY- Gipahugtan sa International Monetary Fund kon IMF ug Asian Development Bank kon ADB ang forecast sa Philippine economy karong 2026, nga nagresulta sa negatibong pagsira sa Philippine Stock Exchange index kon PSEi ug sa peso niadtong Huwebes.
Ang IMF mikunhod sa growth outlook gikan 4.1% ngadto sa 3.9% tungod sa epekto sa Middle East crisis, samtang ang ADB mikunhod gikan 4.4% ngadto sa 3.8% tungod sa delayed investments, taas nga commodity prices, ug climate risks.
Tungod niini, ang PSEi mi-slide og 0.83% ngadto sa 6,223.87 points, samtang ang peso mihuyang batok sa dolyar ug misira sa 61.60.
Sumala ni Rizal Commercial Banking Corporation chief economist Michael Ricafort, ang pagkunhod sa forecast ug ang pagsaka sa presyo sa lana mao’y nakapaluya sa investor sentiment, bisan pa sa posibilidad nga ang Bangko Sentral ng Pilipinas kon BSP magpatuman og rate hikes aron mapalig-on ang peso ug makontrol ang inflation.
