BUTUAN CITY – Aminado si Villa Kananga Brgy. Captain Venusto Clarito nga dili makaya nila ang pagsulbad sa problema sa basura kung dili mutabang ang matag-bubong diha sa segregation sa mga basura sa ilang panimalay.
Kini ang tubag sa kapitan human gi-aksyunan ning sibyahan ang reklamo sa pipila ka mga residente tungod sa kahugaw sa ilang kadalanan nga hatud sa nagtapok-tapok nga gipangsagol na nga mga basura.
Nasayrang ang maong problema, gipang-post na sa social media sa pangindahay nga ma-aksyunan sa hingtungdang ahensya sa lokal nga kagamhanan.
Aminado si Kapitan Venusto nga gahi kaayo og ulo ang iyang mga constituents tungod kay bisan pila ka higayon nang gihangyong ilain ang basurang malata gikan sa dili malata apan dili gihapon kini himuon hinungdan nga labyan lang usab sa basurero ning siyudad.
Bisan siya mismo nanguna na sa pag-segregate sa mga basura aron sundugon kini sa katawhan apan pakyas siya sa iyang tinguha.
Giklaro usab ni Kapitan Amora nga apil sa ilang giproblemahan ang sayong pagbiya sa mga basurero nga kasagaran mu-uli na sa alas-onse sa buntag kansa sukwahi sa nasabutan nila sa City-ENRO nga hangtud sila sa alas-tres sa hapon. (Beth Ruiz)
