BUTUAN CITY- Gikansela sa Sandiganbayan Third Division ang pretrial ni Senador Rodante Marcoleta niadtong Lunes, Agosto 10, tungod sa dili maayong kahimtang sa panahon, sumala kang Dennis Pulma, clerk of court sa anti-graft court.
Ang kaso may kalabotan sa giingong plunder batok kang Marcoleta, kanhi Anakalusugan Party-list Rep. Mike Defensor, ug mga negosyanteng sila Joseph Espiritu ug Aristotle Viray tungod sa alegasyon nga wala ideklarang P75 milyon nga campaign donations ngadto kang Marcoleta.
Tungod sa pagkansela, gibalhin ang pretrial sa Biyernes, Agosto 14. Ang pretrial mao ang yugto diin giandam ug gimarkahan ang mga ebidensya ug gihisgutan ang mga kamatuoran sa kaso sa dili pa magsugod ang pormal nga paglilitis.
Una nang nag-plead og not guilty si Marcoleta ug ang iyang tulo ka kauban sa kaso, samtang si Marcoleta ug Espiritu nag-plead usab og not guilty sa laing kaso nga may kalabotan sa paglapas sa Presidential Decree No. 46.
