-- ADVERTISEMENT --
BUTUAN CITY- Gipasalig sa Department of Health (DOH) nga ilang gibantayan pag-ayo ang paglihok sa presyo sa mga tambal sa nasud taliwala sa krisis sa suplay sa lana tungod sa tensyon sa Middle East.
Sumala ni DOH Secretary Ted Herbosa, ang posibleng epekto sa krisis sa nagkalain-laing mga produkto gilauman tungod sa pagtaas sa gasto sa transportasyon ug produksiyon.
Bisan pa sa hulga sa pagsaka sa presyo, gipasalig sa kalihim nga walay angay kabalak-an ang publiko bahin sa suplay sa mga tambal sa nasud. Sigon niini nga ang gobyerno adunay igong stock nga andam alang sa mga ospital ug sa mga lungsuranon.
