BUTUAN CITY – La-uman sa mga motorista ang paglihok sa presyo sa mga produktong petrolyo sunod semana base na sa trading sa Mean of Platts Singapore kon MOPS ug sa foreign exchange averages sa nakalabay’ng upat ka mga adlaw.
Tungod niini, gibana-banang musaka ang presyo sa diesel gikan sa ₱4.00 ngadto na sa ₱4.50 matag-litro samtang mag-rollback usab ang presyo sa gasolina gikan sa piso hangtud uno-singkwenta matag-litro.
Nasayrang ang presyo sa krudo ug refined fuel gikabalak-an ning semanaha tungod sa suspensyon sa negosasyon sa peace deal, bag-ong hulga nga gibuhiank sa Iran alang sa hingpit nang pagpasira sa Strait of Hormuz.
Tungod niini, mitumaw karon ang mga kabalaka nga posibleng ang global oil inventories mu-abot sa critical levels.
