BUTUAN CITY- Mingbalik matud pa ang dakong posibilidad nga mo-ubos ang presyo sa tanang produktong petrolyo sa sunod nga mga simana.
Sumala ni Atty. Rino Abad, Department of Energy-Oil Industry Management Bureau kon DOE-OIMB director, nga kini human ang resulta sa unang adlaw sa pamatigayon niadtong miaging adlaw nga nagpakita og positibong development.
Kini human usab sa pag-anunsyo sa pagtapos sa giyera sa Middle East tali sa Amerika ug Iran.
Taliwa sa pagtapos sa giyera ug pagbukas pag-usab sa Strait of Hormuz, sigon ni Abad nga posibleng sa Enero pa sa sunod tuig masinati ang pagbalik sa normal sa supply sa lana.
Tungod kinahanglan matud pa nga ayuhon ang mga nagubang pasilidad aron mabalik 21 million barrels sa lana nga minggawas sa Persian Gulf matag-adlaw.
Naka-monitor usab ang panggamhanan sa uban pang factors nga posibleng maka-apekto sa pag-utro sa presyo sa mga produktong petrolyo.
