BUTUAN CITY – 97.25 porsiento nang natapos ang preparasyon sa mga playing venues ug mga billeting areas alang sa nagkadool nga Palarong Pambansa 2026, nga ipahigayon sa Agusan del Sur, karong bulana sa Mayo.
Gikumpirma ni Agusan del Sur Governor Santiago Cane Jr., sa gipahigayong 2nd Press Conference alang sa Palarong Pambasa, nga padayon usab ang pag abot sa mga gikinahanglang himan alang sa mga pasilidad ug ang pgpahigayon og mga dry run aron masiguro ang hapsay nga operasyon ug ang ka-andam sa matag-playing venue adiser ang opisyal nga pagbukas niini sa May 24.
Dugang pa sa gobernador, positibo ang tanang indikasyon nga mahimong hapsay ug malampuson ang kinatibuk-ang pagpangandam alang sa nahisgutang kalihukan.
Gilauman ang pag abot sa unang batch sa mga delegasyon sa May 13 ug sundan kini sa uban pang delegasyon May 14 ug 15.
Sa hisgutanang siguridad,mas gipahugtan pa kinisa tanang playing venues ug mga billeting areas isip pagpangandam sa pag-abot sa mga delegasyon.
Andam na usab ang mga security personnel ug gipatuman na ang mas hugot nga monitoring ug koordinasyon aron masiguro ang kaluwasan sa tanang musalmot ug mga bisita.
