BUTUAN CITY – Pasok na si Pinoy ug world’s No. 2 pole vaulter Ernest John “EJ” Obiena sa finals sa nagpadayong Paris Olympics 2024 bisan og duha ka higayong unang mipalyar sa 5.60 m height apan malampuson niyang na-clear ang 5.70 sa iyang ikatulo ug katapusang attempt alang sa Men’s Pole Vault.
Nahimong kabahin si EJ sa best-12 performance sa maong event alang sa finals.
Si Obiena, usa sa nag-unang bet sa Philippine team nga makakuha og medalya sa Paris Olympics, tungod sa iyang mga maayong record kondiin duha ka higayon siyang naka-ambak nga lapas sa 6 meters sa mga international competition nga iyang gi-apilan.
Sigon ni Philippine Athletics Track and Field Association president Terry Capistrano, dili dali ang tanan rason nga hangtud karon, dili sila mukumpyansa ilabina nga pulos usab maayo ang ubang mga Olympians.
Sa kasamtangan, gikuptan ni world No. 1 Duplantis ang highest record, samtang si world No. 3 Sam Kendricks sa USA, mitala usab og 6.06 meters.
Si Obiena mao ang unang lalaki gikan sa Asya nga nakalukso og kapin sa 6 meters kansa iyang natala niadtong June 10, 2023 sa Bergen, Norway.
