BUTUAN CITY – Gipahunong ni US President Donald Trump sa pagkakaron ang planong military attack batok sa Iran nga unta himuon sa Martes, human siya gihangyo sa mga lider sa Qatar, Saudi Arabia, ug United Arab Emirates tungod kay adunay “seryosong negosasyon” nga nagpadayon sa kasamtangan.
Sigon ni Trump nga gisultian matud pa siya nga adunay gibuhat nga kasabutan nga madawa pag-ayo sa US, ug gitumbok niya nga kinahanglany walay nuclear weapons ang Iran.
Apan mipasidaan usab siya nga andam gihapon ang US nga maglusad og “dako nag pag-atake” batok sa Iran sa bisan unsang orasa kung walay makab-ot nga kasabutan.
Samtang, usa ka senior military commander sa Iran mipahimangno sa US nga dili kini maghimo subling kasaypanan sa gihimong pag-atake.
Ang pinakabag-ong pamahayag ni Trump kabahin sa Iran gihimo samtang nagkaubos ang iyang approval rating ug nagpakita ang mga survey nga dili gustong mosulod ang US sa giyera.
Sumala sa usa ka survey nga gipatik niadtong Lunes, 64% sa mga botante nagtuo nga sayop ang desisyon sa pagpakiggubat batok sa Iran.
Gipakita usab sa survey nga 37% lang sa mga botante ang m-uyon sa performance ni Trump isip presidente.
Nagpasabot kini sa dakong hagit nga giatubang sa mga Republican Party alang sa umaabot nga midterm elections, tungod sa misamo nga kasuko sa publiko sa gubat ug sa pagdumala ni Trump sa ekonomiya, immigration, ug uban pang mga isyu.
